مرحبا بك عزيزى زائر.المرجو منك ان تعرف نفسك و تنضم الى اسرة منتدى. ان لم يكن لديك حساب بعد نرجوا منك ضغط على تسجيل.

فى عز فرحة مصر كانت بتبكى

اذهب الى الأسفل

default فى عز فرحة مصر كانت بتبكى

مُساهمة من طرف semsema_2010 في الأربعاء يونيو 25, 2008 7:54 am

فى عز فرحة مصر كانت بتبكي
بقلم / أكرم صبرى


تم تقليل : 88% من الحجم الأصلي للصورة[ 450 x 299 ] - إضغط هنا لعرض الصورة بحجمها الأصلي



منتخبنا فاز ببطولة أفريقيا 2008

والناس زقططت ..

ورقصت عشرة بلدى ..وهتفنا احنا الفراعنة .. واحنا اللى فيشنا الهوامش .. واحنا اللى دهنا الهوا دوكو ..

وانشغلنا بالحضرى الهربان ..

والــ 3 أو الــ4 برامج اللى هاتك يـا رغى فى موضوع الحضرى وهو موضوع تافه اساسا ..

فى ظل الهوجه دى كلها وفى ظل فرحة مصر

كانت فيه واحدة بتعيط ..

أحيانا والله يا اخوانا مع الحياة ودوامتها وفلسفة ( جرى الوحوش) الانسان بيحس انه خلاص قلبه بأه حجر

لكن فجأة كده يحس ان قلبه لسه بيتحرك وعينه إحتمال كده ممكن تدمع..

ايه اصعب شىء الانسان ممكن يتعاطف معاه ويحركه

أظن مفيش أصعب من انك تسمع أم بتتكلم بحرقة عن طفلها اللى بيضيع قدامها وهى مش عارفه تعمل حاجه ..

واحدة بسيطة من شعب مصر ولدت طفلين توأم ..

وكان لازم يدخلوا الحضانة (( بتشديد الضاد يا محترم)) ..

ولان الدكترة أصبحت بزنس ..

ولعبة من أين يُأكل الكتف شغالة الله ينور ..

قالوا لها يا ستى خلاص.. اليوم علشان خاطرك بالف جنيه للطفل

يعنى من الاخر هى عاوزه الفين جنيه فى اليوم للطفلين

طب دى ست غلبانة

يا عم يهديك يرضيك ابدا

طب تعمل ايه الست وهى بتشوف ولادها رايحين قدام عنيها

قالت اتصل ببرنامج من برامج التوك شو يمكن يشوفولى حل..

وواحد بن حلال ممكن يساعدنى

كلمت أحد برامج التوك شو الشهيرة

قالولها حضانة ايه و بتاع ايه ده احنا مش فاضيين ده النهاردة مصر فازت وبنحتفل

وماااااااااااااااااااااااااااااااات الطفلين

أنا عاوزك بس كنت تسمع صوت الام دى وهى بتحكي للشيخ سالم ابو الفتوح على قناة الناس وهى بتعيط بشكل رهيب

تخيل كده ام وبتعيط على طفليها

يا ناس يا بتوع عيد الام

الست دى اتظلمت

ذنب الست دى فى رقبة مين !

أنا بقول لازم الست دى كانت تتكرم فى عيد الام فى كل الفضائيات

يمكن نردلها شىء من اعتبارها

رغم أن ده مش حيعوضها ضوفر واحد من ولادها

بس اهووووووووو علشان نريح ضميرنا أو نديله حبوب منومة

وعلى رأى فريد شوقى

أااااااااااااااااااااااااااااااااااااااااااااااااه

يا بلد .
avatar
semsema_2010
عضو جديد
عضو جديد

انثى
عدد الرسائل : 557
العمر : 25
الدولة : EGYPT
مزاج : تمام اوى
السٌّمعَة : 1
تاريخ التسجيل : 15/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى